› 選擇地區
三藩市
紐約
洛杉磯
其他美國地區
香港 台灣 北美
 
2017年05月23日

摩佬找數真漢子
十秒記招玩快閃

曼聯打唔通基沙文電話?不如打畀21歲小將夏路普(Josh Harrop)?為咗留力應付周三歐霸盃決賽對阿積士,曼聯喺周日英超煞科迎戰水晶宮一戰派出5位預備組或青年軍小將擔正,包括門將卡斯度彭利拿(Joel Castro Pereira)、左閘迪美米曹(Demi Mitchell)、中場杜安施比(Axel Tuanzebe)、麥湯文拿(Scott McTominay)同稍為推前擔任左邊翼鋒嘅夏洛普,結果夏洛普喺15分鐘接應保羅普巴直線妙傳,喺禁區擺脫水晶宮守將後右腳燙射遠柱入網,一隊處子戰就取得入球,仲大擺「打電話」慶祝動作,拍得住收購目標、馬德里體育會前鋒基沙文喎!

夏洛普喺2012年以16歲之齡加盟曼聯青年軍,之後逐漸上位,今季受到學院領隊畢特賞識,上周預備組英超更喺領隊摩連奴面前大演帽子戲法,最終獲得上陣機會。不過,據英國《每日郵報》透露,夏洛普今夏約滿隨時變自由身,原本備受多間英冠球會垂青,但曼聯亦已向佢開出新合約,而家升價十倍睇嚟要加碼留人啦。夏洛普賽後都坦言夢想成真:「我嘅家人、朋友全部都喺現場,好高興佢哋能夠同我分享呢個美妙時刻。我自8歲起就為咗呢一刻接受足球訓練,如今實在興奮莫名,無言以對。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載