› 選擇地區
三藩市
紐約
洛杉磯
其他美國地區
香港 台灣 北美
 
2017年06月28日

【罷跑事件】不忍巴基之星遭雷神狂鞭?
潘頓:我樂意接手呢匹馬!

告東尼馬房「巴基之星」剛戰喺精英碟,只跑了一段極短路程便玩「罷跑」完全停低,雷神莫雷拉要狂鞭先至肯恢復奔跑,結果大包尾,跑出2分47秒1,比頭馬「馬上發財」大概慢一分鐘。

「巴基之星」1.2倍超級大熱門就此倒灶,由星球馬變性格巨星,成為全港熱爆話題。雷神亦因狂鞭「巴基之星」,令隻馬鞭痕纍纍,被罰款一萬元。唔少網民話雷神唔夾「巴基之星」,應畀返蔡明紹騎。

「巴基之星」日後試閘同出賽會由邊個騎,要由告東尼同馬主丁志強決定,但這天(27日)另一冠軍級好手潘頓就公開同記者講,佢話如果幕後考慮換騎師嘅話,自己好希望亦好樂意接手「巴基之星」,仲話有時轉一轉配搭,為賽駒帶來新鮮感,可能令佢增強鬥心,或者唔會再慢閘及「罷跑」。

記者就問潘頓,冠軍騎師雷神都搞唔掂「巴基之星」,你何來信心駕馭到這匹性格巨星?潘頓笑言自己有絕招,令「巴基之星」在他胯下肯全力競跑,只希望告東尼和馬主丁志強給予機會他一試!

其實潘頓騎臭檔馬確有一手,前短途馬王「友瑩格」便出名臭脾氣性格兇惡,但卻可在潘頓胯下11捷,贏過多項大賽。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載