› 選擇地區
三藩市
紐約
洛杉磯
其他美國地區
香港 台灣 北美
 
2017年07月21日

體壇拾趣︰今戰老撾港U22上呀!

香港U22前日喺平壤舉行嘅U23亞錦賽嘅G組外圍賽同北韓踢成1:1,能夠作客和到同組實力最強嘅對手,就肯定提升到球員今日兩點半對老撾嘅信心同士氣,不過,港隊向來唔擅攻,要贏波搶三分唔係講咁易。
港U22前日被一致睇淡下挑戰北韓,早段由中場胡晉銘先開紀錄,到下半場中段就輸個罰球被扳平,港隊教練金判坤賽後話球員喺場上展示出香港人嘅拼搏精神,值得港人以佢哋嘅表現為榮;中場陳俊樂賽後話踢出部署,可惜頂唔住個罰球導致失波,而球員拼搏到最後拎到一分都好開心,今日對老撾就要諗方法入多兩球,以改善得失球。
隊長劉學銘噚日話對北韓搏得幾盡,唔少球員抽筋,賽後已經立即浸冷熱水放鬆,噚日要繼續做恢復,而佢仲話首戰和到北韓確實燃起出線、甚至首名嘅希望喎。

U15賽和中國有驚喜

賽前冇乜人關注嘅小港腳和到北韓確實係驚喜,但距離出線仲遠,而港隊早前喺緬甸四角賽入一球贏過柬埔寨咁大把,而老撾靠罰球入到中華台北三粒,個人技術唔差,港小將真係要小心應付。
另外,港U15喺澳門打緊嘅兩岸四地邀賽,首戰對中國喺兩度落後追成2:2,認真唔錯。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載