› 選擇地區
三藩市
紐約
洛杉磯
其他美國地區
香港 台灣 北美
 
2017年07月26日

趣趣地:基達鏟隊友博炒投紅軍

利物浦想買RB萊比錫中場拿比基達嘅傳聞,吹足半個夏天,不過有紅牛集團做幕後大水喉嘅RB萊比錫就企硬唔放人。呢位22歲幾內亞中場據報其實都想過檔紅軍,唔知係佢心情煩躁定係想博炒啦,佢周一喺球隊嘅奧地利集訓營中使出收山腳,以報復性鉸剪腳飛鏟,鏟傷隊友迪亞高迪美右膝,後者倒地慘叫,據報仲痛到流下男兒淚。
事緣迪美以一腳犯規嘅鏟波令基達瞓低先嘅,然後基達就深深不忿,等到一個大好機會埋身就整番腳報復性飛鏟,中到應一應嘅迪美立即慘叫倒地,有啲隊友幫佢出頭去推撞基達,好彩基達都冇還手,不過神情就仲係有啲不滿咁。
教練夏辛侯迪隨即腰斬操練,球會周一公佈迪美嘅右膝受傷,不過半月板同埋韌帶冇事,但目前都未知要唞幾耐。據報夏辛侯迪要求基達向迪美道歉,其他懲罰就未定。之前報道話紅軍出到6,600萬鎊(約6.6億港元)想買基達,不過萊比錫表明絕不放人,唔知呢件事後,會唔會促成呢單交易嘞!

高路普勢放走馬高域

講開利物浦,領隊高路普話葡萄牙翼鋒拿沙馬高域喺紅軍已經冇前途,目前有傳多間球會有意出1,300萬鎊(約1.3億港元)希望收購佢。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載