› 選擇地區
三藩市
紐約
洛杉磯
其他美國地區
香港 台灣 北美
 
2017年08月20日

【港姐婚宴】
自爆53歲老公跪地斟茶!李姿敏:試緊先生仔再生女

53歲本港澳洲籍練馬師賀賢,於上月21日在家鄉墨爾本,迎娶29歲的2009年香港小姐亞軍(Germaine)李姿敏,這對新人之後去了美國渡蜜月,直至今晚(19日)於香港四季酒店補擺喜酒,宴請親友和馬圈人士。

上月墨爾本的婚禮,09年同屆港姐冠軍劉倩婷與季軍熊穎詩,為李姿敏擔任伴娘,今晚佢哋當然亦有出席,一齊分享喜悅。至於馬圈人士,就見到騎師史卓豐、柏寶、蘇狄雄、潘頓,練馬師就有蘇偉賢、方嘉柏、文家良等,以及大量馬主出席婚宴。

李姿敏說:「因為爹吔媽咪香港好多朋友,David因工作關係亦認識好多朋友客人,所以在香港補擺喜酒,同大家一齊慶祝,之前澳洲婚禮較小型得七八十人,今次大型一些。我們亦有簡單斟茶儀式,David當然第一次(斟茶給我父母),他有跪在地上,做足禮節。」

問到會否生B時,李姿敏說:「有呀,我們其實都準備、試緊,因為大家都鍾意小朋友。我自己想先生仔,再生女,因為哥哥可以照顧妹妹。」但賀賢就話想保持神秘感,希望到出世一刻自己才知BB性別,令自己有一份「開獎」感覺。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載