› 選擇地區
三藩市
紐約
洛杉磯
其他美國地區
香港 台灣 北美
 
2017年08月24日

Thursday:妖人集中營 - 咖喱

上星期謝斯洛迪古斯(圖)加盟史篤城後,即刻有傳媒發現史篤城係英超入面擁有最多歐聯冠軍成員嘅球隊,除謝斯外,仲有阿費利、梳頓沙基利、費查同埋保贊。佢哋之前都踢過豪門班霸,同前球隊拎過歐聯冠軍。
講到天賦同名氣,沙基利、保贊同埋謝斯曾幾何時被視為球壇新希望,分別係拜仁慕尼黑、巴塞隆拿同埋皇家馬德里三大歐洲豪門睇重嘅新星。如果早四、五年前,呢個簡直係最強嘅歐洲妖人三叉戟。不過,新星變棄星,妖人如今都變晒熟男,齊聚史篤城。喺曉士帶領下,史篤城要擺脫「天空之城」嘅風格,希望打多啲地面波,呢個亦係史篤城引進呢班豪門棄星嘅原因。謝斯同埋沙基利突破力強,至於保贊亦擅長同隊友打組織。沙基利證明咗自己踢得掂英超,係球隊喺邊路嘅重要突破點;保贊嘅正選位其實唔太穩,表現平平;至於謝斯睇佢處子戰對阿仙奴嘅發揮,簡直覺得史篤城執到寶!不過,謝斯嘅問題係佢太玻璃,或者掉轉咁講,如果佢唔係成日傷的話,又點輪到史篤城簽到佢。
謝斯同艾華路莫拉達差唔多同期喺皇馬出道,嗰陣覺得謝斯有前途過莫拉達,因謝斯好搶鏡,突破力強。莫拉達雖喺皇馬撈唔掂,但喺祖雲達斯打出一片天,今季仲嚟到英超豪門車路士。同期出道,莫拉達踢車仔而謝斯踢史篤城,遲啲兩隊交手,兩位皇馬舊人重遇,到時嘅畫面相信令人感概良多!文:咖喱

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載