› 選擇地區
三藩市
紐約
洛杉磯
其他美國地區
香港 台灣 北美
 
2017年09月22日

Feel到戰意味飄埋嚟!
愛白麥菲文 係時候要染紅?

經過昨晚(20日)谷草八場賽事後,告東尼喺尾場爆隻大冷門「華美之友」,成功敲響季勝鼓,導致現時未開齋嘅馬房只得兩個,為一中一外的李易達及麥菲文。

其實麥菲文昨晚都差少少憑七歲灰馬「有智者」夥拍雷神贏到馬,可惜最終以不足一馬位之差飲恨,只屬冇運搏輸,睇嚟呢個馬房想贏嘅戰意開始湧現。

今朝早(21日),鏡頭仲好罕有咁見到,身穿藍衫的麥菲文聯同副練余詠詩,與今仗騎師靜英英咁有所交流,呢位騎師就係第五場「銀豐神駒」鞍上人史卓豐。

其實「銀豐神駒」之前一朝(20日)都由豐豐操過,《蘋果》晨操專家積奇仲話「銀豐神駒」直路自動加速,走來唔急躁,勁勢明顯增強,熱身後大有進展。

另外,「銀豐神駒」係吳定強馬房散倉後嘅遺物,呢啲寶藏係今季已經贏過幾次,例如「銘記心中」等。

之前「銀豐神駒」在吳廐都有贏過,相信麥菲文點都會為此駒馬主余國賢盡力建功交代,藉此保衛軍心。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載