蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月18日
馬上成為壹會員

Wednesday:香港嘅黐線佬 - 陳恩能

自認叻的人會有幾叻,大家心照。所以,我認為自認黐線的人,其實應該頗為理性。最近,香港足球代表隊在大球場2:0擊敗大馬,在亞洲盃外圍賽打開勝利之門,分組繼續排第二,保持出線2019決賽周希望。比賽直播期間,特別是完場之後,我留意到一班黐線佬,重點:當中有年青黐線妹。約兩個月前,我在ig留意到一個叫「波台黐線佬」的群組,他們的抽水PO抵死兼到位,例如流浪友賽沒有球證而創作一個名為「#為標準流汗」的hashtag,之後又有「#富力主場404NotFound」等佳作。抽水之餘不離事實,沒有為抽而抽,只是苦中作樂地道出球迷心聲。儘管估計球圈中人唔會太高興,但我覺得反而幾清新!
後來,間中都有留意他們的ig,肯肯定是有心人。近年港隊比賽,已留意到一班特別勇武的球迷。然後,再在直播看到他們時,我以為香港隊去了歐洲比賽。我不肯定他們何時進化,但他們進化了,過百人全程又跳又叫,更有好幾十人比賽期間一直背向球場、瘋狂打氣,跟歐洲各球會例如馬賽、聖伊天、拿玻里等的Ultras球迷會一樣黐線!好Ben正!
執筆時,特意翻查ig@hk_moment,原來他們五月才開戶口,今日(17日)才五個月大。「波台黐線佬」比傳統媒體更直截了當點出球圈怪現象,算是一種久違的清新。所有大改革,都源自小改變。心態變了,言行就會變;自己變了,同路人就會變。過去幾十年,香港人很乖很聽話哦!你看換來甚麼好日子?可能我天真,但從Ultras身上,我選擇看到希望。
文:陳恩能

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載