› 選擇地區
三藩市
紐約
洛杉磯
其他美國地區
香港 台灣 北美
 
2017年11月03日

【動畫】Pink天使現身
呢啲先叫做靚女?

粉紅色自古而嚟都係可遇不可求,正因呢種神秘感,過往令唔少人類都渴望能夠窺探一下。

去到11月5日星期日,莎莎呢個本地知名化妝品牌,就為大家揭開呢種顏色嘅神秘面紗,因為呢日就係周圍充滿粉紅色嘅莎莎婦女銀袋日。

而呢個化妝王國嘅主持人郭少明亦親身向外宣佈呢項盛事:「同我哋一齊參與莎莎婦女銀袋日,欣賞我哋上年起升格為國際賽事嘅銀袋賽。」

其實除咗有場預計好激烈嘅三級賽莎莎婦女銀袋(1800米)外,莎莎集團更從遠古召喚充滿仙氣,喺《新射鵰》入面嘅穆念慈嚟到沙田馬場,仲化名叫孟子義,成為莎莎形象大使,仲早排影咗幾輯沙龍,簡直就同剛贏二級賽嘅「美麗傳承」一樣咁正,睇耐啲都忍唔住想同佢,影多幾張相。

除咗有美人同駿馬喺當日相伴之外,莎莎希望入場嘅馬迷,都能夠投入呢場美麗盛事,所以向每位參加者都派發金色馬型紀念襟針一個,睇嚟要着到似去飲宴嘅場合咁,先可以入場。

11月5日沙田馬場約定你,呢個神秘粉紅色國度,仲有好多嘢等緊馬迷去發掘。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載