› 選擇地區
三藩市
紐約
洛杉磯
其他美國地區
香港 台灣 北美
 
2017年11月13日

夏日求驗客:愛爾蘭神龍保清白
丹麥和波賴地淋

丹麥喺上周六嘅世界盃外圍賽歐洲區附加賽首回合主場面對愛爾蘭,雖然形勢佔優兼且狂轟猛炸,但係始終攻唔冧愛爾蘭嘅大門;愛爾蘭門將戴倫蘭杜夫表現神勇,屢救險球,仲喺上半場期間兩連撲,再加上愛爾蘭下半場守得好穩,結果0:0收場。賽後連丹麥門將卡斯柏舒米高都話,自己個主場好唔掂搞到贏唔到波。

舒米高鬧主場冇草地又淋

主場嘅丹麥今場一開波就全力搶攻,之不過開賽11分鐘愛軍門將戴倫蘭杜夫已經成功兩連撲,先後救出贊斯拿臣同埋哥尼利斯嘅射門。之後佢再擋出基斯甸艾歷臣嘅遠射。下半場丹麥雖然繼續進攻,但係始終打破唔到僵局,尤素夫保臣喺比賽尾段頭槌攻門,亦過唔到戴倫蘭度夫嘅十指關,最終兩隊賽和0:0。

摩洛哥突國非洲區齊出線

丹麥門將卡斯柏舒米高賽後形容帕肯球場(Parken Stadium)好可怕,丹麥完全冇主場之利:「呢個球場好可怕,令人非常失望。個場地又冇乜草、又軟淋淋,佢令我諗返起踢英乙貝利嗰時嘅日子。」不過舒米高都話冇得咁賴,仲大讚對方門將戴倫蘭杜夫︰「點都好,冇任何藉口,愛爾蘭佢哋真係非常頑強。蘭杜夫有幾次靚救,希望佢唔會再嚟多次。」次回合比賽將會喺周二都柏林舉行。
另外,非洲區世盃外圍賽最後一輪比賽全部結束,嚟自北非嘅摩洛哥同埋突尼西亞拎到出年世界盃決賽周非洲區嘅最後兩張入場券。摩洛哥喺上周六作客2:0擊敗科特迪瓦,以C組首名拎到出線資格。而主場賽和利比亞0:0嘅突尼西亞就拎到A組首名,同樣將會五度現身世盃決賽周。除咗呢兩隊,埃及、尼日利亞同埋塞內加爾都拎到呢個資格,意味非洲區五個出線席位已經齊晒腳。而全部32個決賽周席位入面,已經有26隊拎到參賽資格。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載