› 選擇地區
三藩市
紐約
洛杉磯
其他美國地區
香港 台灣 北美
 
2017年12月02日

試過同一男子瞓覺!
來港撞番佢 當事人話人生好奇妙

相信馬迷對現年32歲的意大利籍騎師沈拿,不會太陌生,須知佢上季尾在港跑咗短短三個賽日,已經贏到兩場馬。

今季呢位型到核爆嘅騎師,將會由周日(3日)開始客串至四月尾,而呢位巴林冠軍騎師就喺今朝(1日)晨課,率先chok住個款到場,冇見呢位冇死角型男咁耐,當然要捉住同佢做個訪問先。傾傾吓,發覺原來佢同嚟自意大利、剛榮升爸爸嘅李寶利係一對由細玩到大的好朋友。

沈:沈拿 記:《蘋果》記者
記:記得你上季尾嚟香港時,同鄉李寶利幫助你適應,佢教你閱讀香港賽事嘅賽績表,又介紹你俾各大騎練認識,工餘時亦陪你遊覽香港,甚至一齊去澳門觀光,你們相識於微時嗎?

沈:冇錯,李寶利係我最好嘅朋友!年輕時,我哋喺見習騎師學校一起學騎馬,放學之後一起玩,甚至一齊孖鋪瞓覺。大約15年前,我哋一齊打賽馬game,模擬喺香港馬場上陣,真係估唔到,虛擬變成真實,我哋一齊係香港出賽,人生真係好奇妙。

我同李寶利既係競爭對手,同樣係老友,今年夏天唞暑嗰陣,我哋一齊返意大利放假。我同佢亦互相欣賞,佢為人一向低調,也有一位好妻子支持,非常專注同投入自己嘅策騎事業。

每次排位表公佈後,李寶利都刨熟晒各匹出賽馬嘅往績,上季尾我初到香港,有些座騎就連馬名都未必記得,他和我一起鑽研賽績表,令我很快掌握到匹嘅性能,又講解香港各條賽道嘅特色,我好多謝呢位老友,令我盡快掌握到香港賽事。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載