› 選擇地區
三藩市
紐約
洛杉磯
其他美國地區
香港 台灣 北美
 
2017年12月07日

【彌敦道feel?】日本炮製霓虹燈下的香港賽馬!

嘩啦嘩啦,馬迷今季首個熱血沸騰位,梗係12月10日國際賽日啦,有四場一級大賽喺沙田馬場上演喎。

平時講個啲咩天下第一高手莫雅呀、OK哥布文呀、猛人輝蘇兆輝呀等等,全部都喺你面前跑道上鬥到大汗搭細汗,但每場笑到最後只有一個,真係諗起都刺激。國際賽廣告、宣傳片鋪天蓋地,Promote又點可以少得呢張馬會整嘅土炮海報,睇完有冇feel當然見仁見智啦,咁其實都有種Road to HK嘅感覺。

今年日本馬壇,繼續派不少馬來港,同一眾本地薑鍊過。港、日硬橋硬馬較量之前,兩地就先來一場鬥玩創意同DESIGN之隔空大戰。

日本馬會整咗一條大玩香港獨有文化嘅香港國際賽宣傳短片,片段嘅馬名全用霓虹燈設計,好有香港特色。可惜條片係冇配樂,有啲美中不足感覺。唔少馬迷都讚好日本仔呢條片質素奇高,幾有創意及專業喎,更有馬迷拎香港馬會土炮海報做比較,唔知各位鍾意邊款多啲呢?

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載