› 選擇地區
三藩市
紐約
洛杉磯
其他美國地區
香港 台灣 北美
 
2017年12月22日

【多仔公x靚女伴】
美斯C朗爭乜 法比仔屈晒機

基斯坦奴朗拿度(C朗)同美斯呢對冤家,成日畀人攞嚟比較,最近仲誇張到講佢哋由場內鬥到場外,就係鬥邊個生仔多。C朗上月同女友佐真娜誕下愛情結晶品,加埋之前代母所生嘅一對龍鳳胎,家陣已經有4件喺手,而美斯就同新婚妻安東莉娜就已經有2件,但後者已經懷緊孕,明年將會嗶出第3件。

不過,如果鬥多仔,C朗美斯都要行開,因為家陣效力車路士嘅法比加斯先係王者。佢同大佢12歲嘅未婚妻丹妮娜(Daniella Semaan)已經生咗3件,分別係家陣已經4歲嘅囡囡Lea、2歲嘅Capri同埋啱啱4月出世嘅Leonardo,加埋丹妮娜之前同前夫已經生過兩件,離婚全部跟埋媽咪,即係話法比仔已經湊緊5件。不過,法比仔同丹妮娜未來仲會唔會再生就唔知,但C朗另一邊廂就放話個人目標係7件,佐真娜要努力喇!

丹妮娜係黎巴嫩模特兒,六年前同法比仔行埋一齊,當時呢段姊弟戀唔多被睇好,而佢前夫亦曾經指責過法比加斯搶佢老婆,甚至鬧過前妻認錢唔認人,但家陣就快七年,睇嚟兩人真係經得起考驗,仲不時約埋美斯伉儷結伴去旅行同遊玩,打風都打唔甩。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載