蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月07日
馬上成為壹會員

Sunday:睇人X街不如戥人高興 - 伍家謙

「睇人X街最開心」這話從不過時。多年前看黃子華先生的《楝篤笑》,其中一段的意思大概是:「好多人嘅最大興趣就係睇人X街,你戥人高興唔知點解硬係好難好投入㗎喎。」說得清楚明白──花生,誰不愛吃呢。
早前入場看省港盃首回合賽事,結果港隊力戰下贏2:0(圖)。完場後碰到一位朋友,甫見面他就帶着笑意問:「廣東係咪讓賽㗎箒?」算不上熟的友人,故我實在無法判斷他是說笑、是真的在提出一個問題、還是想藉此嘲諷些甚麼呢?我想,大概只是純粹找些話打開話匣子而已。但這一句說話,我又胡思亂想了良久。
為何會有這樣一個問題呢?由於那是「廣東係咪讓賽」而非「香港隊係咪踢得好咗」之類,所以我實在無法把之定性為一件很正面的事情,嗅到的是那種:「唔係下話,香港都贏到呀?一定係人哋放水啦!」的味道。總之,港足輸就渣、贏就假,立於不敗之地的只有說這話的人本身;不幸地,這亦代表了社會上的部份聲音,就算自己身邊,都有不少,笑佢哋渣就實冇錯。睇人X街最開心,戥人高興好困難,明白的,我亦如此;不明白的是:為甚麼自己人輸時會笑得格外高興呢?是撐自己人,還是踩自己人呢。
無論如何,誰都可以支持或不支持一件事情。香港足球,要支持的理由不少,要不支持的原因恐怕只有更多;沒有對錯,僅是個選擇。但是簡單一句就把別人的努力輕輕帶過,到底不太公平。試試放低嘴邊慣性的嘲笑,多看兩眼,或許會發覺即使戥人高興──特別是戥自己人高興,其實也可以很投入的。
文:伍家謙

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載