› 選擇地區
三藩市
紐約
洛杉磯
其他美國地區
香港 台灣 北美
 
2018年01月31日

判平頭亞軍惹爭議?
網民:有正鏡冇反鏡難服眾

剛周日(28日)兩場一級賽名花有主,激烈大戰當時接續上演,馬迷睇得特別過癮。不過對於百週年紀念短途盃的賽果,不少馬迷事後都有不同意見,尤其係對「紅衣醒神」及「爭分奪秒」被判為百週年紀念短途盃平頭亞軍。

當時呢兩匹蔡廐馬拍住過終點時,因彼此距離太近,故依例要靠電眼判決,馬會最終將賽果定為「紅衣醒神」及「爭分奪秒」都跑第二。

就馬會向外發佈的相關正面鏡頭決勝圖所見,在三駒中間的「紅衣醒神」,其馬頭最先觸線位置,恰好被外側頭馬「翩翩」騎師杜利萊的身軀完全遮蓋,根本無法分辨牠與在內叠的「爭分奪秒」,究竟是哪駒較先觸線,又或者是兩駒真的一齊觸線?

因應上述情況,個別網民認為馬會今後遇上類似情況,應一併向外發佈由內而外的反鏡頭決勝圖,以示公正、公允。

事實上,馬會有在賽後節目《賽後你點睇》中,公佈包含正、反鏡的決勝圖,並完整上載至馬會網站的視聽播放區,供馬迷免費隨時收看。

個別網民意見:
Asxxange:無反鏡相比(俾)大家睇,有古(蠱)惑,未能服眾。
眼訓X喊:今日(28日)兩場平頭都秒速影到,以前隨時影5-10分鍾(鐘),都唔知係進步左(咗)定係出古(蠱)惑。
武X鼎:唔覺得係平頭。
Algxnx0611:最大問題係,馬會冇提供確實嘅相片去證明平頭,連反鏡嘅相都冇公開,難以服眾。如果係競賽小組說了算,咁以後就不如唔洗(使)影相,由競賽小組肉眼判斷,再公佈結果就算。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載