› 選擇地區
三藩市
紐約
洛杉磯
其他美國地區
香港 台灣 北美
 
2018年03月02日

污糟貓玩謝大塊田!
貝湯美突向田泰安送口水

剛過去的星期日(2月25日),由告東尼訓練的「馬克羅斯」以不足兩分鐘時間,跑畢2000米路程,並勝出三冠大賽次關香港金盃。

當時賽後,馬會搵了「馬克羅斯」鞍上人潘頓同其他騎師做訪問,並將片段上載至社交網絡平台。

相關片段內有個搞笑的騎師互動鏡頭出現。其中,接受訪問的田泰安,一早換定「五十五十」的綵衣,為之後跑女皇銀禧紀念盃做準備。

當安仔好正經講緊嘢之時,大摩主帥貝湯美咁啱,喺佢旁邊經過。Tommy仔見到訪問開始咗,即刻搞鬼搞馬,將自己手指啜入口,然後將疑似沾了口水的手指,篤落安仔的左邊耳仔,而當時做緊訪問的安仔阻擋唔到佢,只好對住鏡頭苦笑。

雖然貝湯美呢次玩嘢,睇落唔太衛生,但係睇得出佢兩個都係玩得之人。或者好快見到安仔點向貝湯美反擊「報仇」,不妨拭目以待。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載