› 選擇地區
三藩市
紐約
洛杉磯
其他美國地區
香港 台灣 北美
 
2018年03月09日

踢波跌低=意圖謀害?
東非總統嬲豬要官員坐監

「為咗要畀啲暖嘢港督暖胃,我會扣喉嘔返部分鯪魚出嚟,呢個就係人體微波爐嘅理論。」葛民輝喺《港督最後一個保鑣》入面,手法點差都好,都叫做保護到港督。不過喺非洲,就有官員保護唔到總統安全而畀人拉,原因係...總統踢波疑似冇人放水。

是咁的...

東非小國布隆迪有位足球總統叫Pierre Nkurunziza,每個禮拜都會同自己隊波練習同打比賽。總統始終係總統,對手點都識潛規則,放吓水嘅,不過上月初嘅一場波,就唔同講法啦。總統嘅對手,陣中就有幾個剛果難民,佢哋似乎唔知布隆迪總統喺佢哋對手。據報佢哋搞到總統跌低過幾次。

唔知總統係唔係因為失威,搞到嬲嬲豬,就下令拉咗兩個負責嘅官員,理由係佢哋意圖謀害總統!咁嘅理由,真係同金仔有得揮。其實呢位54歲總統05年上任,近年就開始有獨裁嘅影子。兩年前又有政變企圖推翻佢,唔知今次係咪想借場波清算呢?

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載