› 選擇地區
三藩市
紐約
洛杉磯
其他美國地區
香港 台灣 北美
 
2018年03月20日

求驗客手記:紅魔大清洗
摩佬要掃走10條友

曼聯𠵱家基本上得番英足盃冠軍可以爭,領隊摩連奴早幾日就發晒茅咁話曼聯嘅實力未足以喺歐聯有咩作為,英國《每日快報》就話,摩佬準備喺夏天嚟一場大清洗,預計賣走、約滿同會退休嘅球員加埋,會有10個球員離隊咁話!

相關新聞:求驗客手記:英足盃四強抽到對熱刺

來季會簽巴利、韋利安

據《每日快報》話,成日畀摩佬公開批評鬥心唔夠、操練態度差等嘅勞基梳爾,上禮拜六對白禮頓嘅英足盃仲半場被換走,兩人關係又去到新低點,佢就梗係第一個被賣啦,另外西班牙孖寶桑馬達、安達靴里拉、同埋四個後防基斯史摩寧、菲爾鍾斯、戴利白蘭特和達美安都會被踢走咁話,用嚟籌錢俾摩佬揮霍。另外,紅魔仲有30歲嘅費蘭尼今夏約滿,傳聞佢就會去加拉塔沙雷發展,而伊巴謙莫域亦都傳好大機會去美職掘埋最後一桶金,至於卡域克就一早公佈咗會掛靴。
有出就會有入,據報摩連奴希望買一堆球員,包括喺皇馬越來越唔受重用嘅加里夫巴利、熱刺後防雙星艾達韋列特同埋丹尼路斯,以及車仔舊部韋利安,同埋一路係曼城目標嘅薩克達中場費特山度士。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載