› 選擇地區
三藩市
紐約
洛杉磯
其他美國地區
香港 台灣 北美
 
2018年04月25日

求驗客手記:倒數50日 九成飛賣出
世盃Ready!

2018俄羅斯世盃踏入倒數50日,呢個四年一度嘅足球盛宴已經大致準備好見人,七座新起嘅球場,有六座獲得國際足協(FIFA)認可正式運作,近九成約270萬張門票已經賣出,連官方簡體中文官方網站禮拜二都已面世;一度驚會因傷錯過世盃嘅巴西球星尼馬同英格蘭射手哈利卡尼,都趕得切復出,列強大致都夫添出擊,將為球迷帶嚟最精采嘅世盃!
之前基建上有唔少問題嘅俄羅斯世盃,FIFA今個月已派出咗高級考察團,對世盃球場進行咗實地評估,其中為咗滿足世盃至少要容納3.5萬名球迷、將球場直接挖開一角,加建5,000人露天看台嘅葉卡捷琳堡球場,報告指其完成度已達95%,其中食物供應、垃圾清理、停車場指示不足呢啲問題都已經解決。

七座新場只差一個

而最遲動工興建嘅加里寧格勒體育場,早前亦順利進行咗測試賽,目前只有因為天氣問題而影響到球場外嘅綠化地帶,要五月尾先完工,不過球場喺禮拜一已正式獲得運作許可,令目前世盃七座新起嘅球場之中,得番工程一直未趕上進度嘅薩馬拉球場未搞掂。當地解釋話今年春天又凍又成日落雨,施工好困難,好彩最棘手嘅鋪草皮問題已經解決,將會喺今個禮拜六進行首場測試。
至於其他基建配套方面,俄羅斯交通部門就話,多個將舉行世盃比賽嘅城市包括伏爾加格勒、葉卡捷琳堡、薩馬拉等地嘅機場,同從首都莫斯科連接各地嘅高速公路都完成改建。莫斯科更因應世盃外國遊客大增,推出「共享汽車」,遊客提供駕駛執照同護照副本,就可租車去各球場同遊覽景點。

世冠盃24隊改四年一屆

而當地嘅防暴警察,喺上禮物六就進行咗安全演習,以確保目前已賣出270萬張飛、嚟自世界各地數以百萬計嘅球迷安全,FIFA票務主管更加指出,目前已賣出咗接近九成飛,預計世盃所有比賽都爆棚!另外FIFA近日又有大計,計劃將世冠盃改成四年一次踢24隊,形式同世盃一樣,整個計劃預計總值1,960億港元呢!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載