› 選擇地區
三藩市
紐約
洛杉磯
其他美國地區
香港 台灣 北美
 
2018年05月28日

花絮:球迷搞禍C朗入波

皇馬王牌C朗(白衫)喺今屆歐聯又成為神射手,但喺決賽就冇波入,原本佢喺完場前有機會入番粒,但就件俾一位不速之客破壞咗好事。比賽到最後時刻,C朗喺右路諗住射門嘅時候,突然出現咗一個闖入球場搗亂嘅球迷,球證亦吹停比賽,搞到C朗冇晒癮搖頭苦笑。

相關新聞:天作之合:九冠施丹天生「皇」者

有品巴塞祝賀皇馬

皇家馬德里又一次贏咗歐聯冠軍,實現歐聯三連霸嘅偉業。而作為佢哋嘅死敵,巴塞隆拿亦通過官方嘅社交媒體對皇馬表示咗祝賀(圖)。同皇馬咁多恩怨巴塞都不計前嫌道賀,認真大方。

普京落柯打搞沙拿?

利物浦核心穆罕默德沙拿(中)喺歐聯決賽上半場傷出,唔少球迷諗得好陰謀論,竟然將矛頭指向俄羅斯總統普京。球迷指摘普京,指佢因為唔想沙拿喺下月世界盃決賽周第二輪分組賽,埃及對俄羅斯嘅比賽中上場,而落「柯打」專登整傷佢咁話。

相關新聞:豪情壯語:C朗:歐聯應叫「CR7歐聯」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載