› 選擇地區
三藩市
紐約
洛杉磯
其他美國地區
香港 台灣 北美
 
2018年06月07日

求驗客手記:逼山神讓出7號
摩佬誘C朗返紅魔

幫皇家馬德里創造歷史喺歐聯三連霸嘅基斯坦奴朗拿度(C朗),踢完決賽後疑放風話自己下季未必留隊,加上同佢關係極好嘅教練施丹上周宣佈辭職唔撈,可能係一個因素令C朗叠埋心水離開。佢過去話過有朝一日會想返番曼聯,而英媒近日就傳紅魔領隊摩連奴已經鋪定路,只要C朗肯返嚟,就會逼家陣7號主人阿歷斯山齊士讓番個波衫號碼出嚟,畀呢位王牌巨星。
當年C朗就係着7號幫曼聯打天下,所以報道話摩佬已經承諾C朗,一旦佢選擇返嚟奧脫福,就會將呢個標誌性嘅7號球衣畀番佢,而加盟只係半年、又發揮唔出水準嘅山神,就要揀過第二個號碼;如果山神唔肯,就可能會喺今夏被極速出售。

或極速掃走下滑山神

講番山神,一月由阿仙奴入「魔」後,英超只入過兩球,不論摩佬定高層,都對佢表現唔太滿意,仲覺得同紅魔踢法格格不入,所以唔介意將佢掃走,甚至覺得可以套現更多資金作嚟緊擴軍之用。

購費特再簽波圖右閘

事實上,紅魔今夏嘅擴軍行動已正式開始,周二喺官網宣佈同烏克蘭勁旅薩克達達成轉會費協議,將簽入巴西國腳費特山度士,但會再遲少少先落實佢正式入「魔」,據聞係仲有啲合約嘅細節同加盟條件未傾掂。雖然官方冇透露轉會費,但英媒就相信約為5,200萬鎊(約5.44億港元),到時呢位巴西人會同紅魔簽五年約。另外,紅魔翌日亦完成第二簽,官宣效力波圖嘅19歲右閘達洛特加盟,雙方簽約五年。
將會代表巴西出戰世盃嘅費特,趁近期國家隊喺倫敦集訓,就飛咗去曼徹斯特進行體測,真係方便又快捷,而森巴軍團主帥堤迪早前亦「落柯打」,要愛將快脆搞掂轉會問題,唔好影響出戰世盃心情。當曼聯官宣交易就嚟成事後,費特亦好快喺ig出帖寫上「好驕傲成為紅魔」,然後hashtag「#FredIsRed」嚟賣口乖。費特本來亦係曼聯死敵曼城嘅獵物,但今次紅魔就喺轉會市場先贏一仗,而佢加盟好大程度係因為卡域克退役以及費蘭尼準備離隊,摩佬想加強番中場嘅針對性部署。呢單交易連巴西名宿李華度都撐:「費特係好出色嘅球員,佢對曼聯肯定係物有所值,亦同紅魔好襯。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載