› 選擇地區
三藩市
紐約
洛杉磯
其他美國地區
香港 台灣 北美
 
2018年06月08日

趣趣地:神軒、迪亞只能活一個

香港人最關心嘅三獅軍團正積極備戰世盃,主帥修夫基透露,世盃將會採用單防中陣式,仲話陣中兩名主力中場佐敦軒達臣同艾歷迪亞要爭正選!據統計,修夫基執掌嘅16場比賽中,迪亞同神軒分別有12次同九次正選,本來外界會以為兩人一齊拍檔上陣時,修夫基卻揚言只會用單防中,保證較多前場球員好似迪利阿里、連格等人上陣爭取入波:「呢個係一個重要嘅決定,軒達臣同迪亞都係球隊重要成員,但佢哋唔會每一場都一齊上陣囉。」

而英軍左閘丹尼路斯,竟自爆自己患上抑鬱症:「過去一年我喺熱刺因傷未能上陣,我更加要去睇心理醫生,但我冇話畀屋企人知。」不過丹尼路斯就話,入選英軍踢世盃對佢有好大鼓舞,仲話國家隊係佢嘅救星;不過佢就對世盃球場內外嘅種族歧視問題好擔心,仲叫屋企人唔好去俄羅斯睇佢踢波,似乎佢諗嘢都仲係好負面喎。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載