› 選擇地區
三藩市
紐約
洛杉磯
其他美國地區
香港 台灣 北美
 
2018年07月20日

【華將一哥】
騎師室開櫃訴心聲!梁家俊講同洋將「隻揪」要訣

沙田馬場騎師室內,每位騎師都有一個巨型私人儲物櫃,以杜利萊的櫃子最搶眼,櫃門貼上09年策「好爸爸」勇奪香港一哩錦標的衝線靚相,斜對面就是Derek梁家俊的儲物櫃,上季策「美麗傳承」捧走香港一哩錦標,入行十載,「土砲」終蛻變成大賽騎師,他深信這只是開始,大賽上陣機會陸續有來,為華人騎師爭光。

香港馬圈重洋輕華,華將能夠在級際大賽上陣,縱使座騎只是陪跑份子,已難能可貴。在去年12月的馬會一哩錦標,「美麗傳承」卻早就被視為奪標黑馬,先在Derek胯下贏出沙田錦標和馬會一哩錦標兩項熱身賽,馬兒在正本戲按照部署,出閘迅即搶出放頭,主宰賽事步速,入直路後進一步拋離對手,一放到底。

「美麗傳承」當日只花1分33.72秒便跑畢1600米,這短短的九十多秒,Derek卻苦候十年,回憶起這場代表作,依然回味無窮。

Derek說: 「機遇有時需要等,喺等待期間就要好好裝備自己,過去幾年暑假,我都去外國受訓,擴闊自己眼界。平時出賽要成日提醒自己要用心跑馬,要同外籍騎師『隻揪』,就要陣上做到零犯錯,我要求自己出賽要有好狀態,要畀練馬師、馬主都感受到自己嘅心機。」

唐詩《劍客》有云「十年磨一劍,霜刃未曾試」,Derek在2007/08年度馬季出道,經歷十年鍛煉,他的劍刃終於磨利,騎師生涯之中最重要的機遇亦悄悄地降臨。

上季初「美麗傳承」準備作季內初出,練馬師大摩和馬主郭浩泉尋找合適騎師人選,Derek說:「『美麗傳承』喺三級賽慶典盃只負113磅,大摩需要搵一個可以造到輕磅嘅騎師出賽,現役造到呢個磅數嘅騎師唔多,我能夠做到磅,馬主同練馬師最終揀咗我,呢個就係我嘅機遇。」

「美麗傳承」在慶典盃用梁家俊一放到底,爆出18倍冷門奪標,再由家俊仔捧走二級賽沙田錦標,雖然在馬會一哩錦標只跑入季軍,但香港一哩錦標為Derek帶來首場一級賽勝仗。「今時今日再睇賽事重播,感覺仲係咁興奮,當日其他練馬師同騎師,甚至場內工作人員都向我道賀,大家都感覺到香港人能夠喺自己地方贏到一級賽,係好難得。」

他續說:「我衷心感激馬主郭先生和大摩的信任,冇佢哋嘅支持,我就唔會有呢個突破。」Derek與「美麗傳承」的合作在這場勝仗後告一段落,原因不必深究,這位年僅29歲的本地好手在攀上事業第一個高峰後,下一個會否就是新一代灰色神獸「平湖之星」?

文:林湛穎、攝:李偉聲

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載