蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月17日
馬上成為壹會員

求驗客手記:第一場就失四球 盧帥點算好?

皇馬不敵馬體會失歐超盃,亦係球隊新帥盧比迪古帶領皇馬嘅第一場正式比賽,但就留低唔係好風光嘅紀錄,成為1948年二月以嚟首位皇馬教練,喺首場正式賽事失四球。至於上一位首戰即輸嘅皇馬主帥,就係07年嘅蘇斯達。
今場波皇馬正選陣容清一色係舊人,而球隊今夏重點新兵只有門將泰拔高圖爾斯同巴西神童雲尼斯奧祖利亞,之前佢哋將基斯坦奴朗拿度(C朗)賣畀祖雲達斯,球會主席佩雷斯當時話唔使進行大收購補充火力,不過睇今場波咁嘅情況,球隊可能要再買人。
除咗缺少進攻重心,皇馬後場組軍亦唔平衡,門將基羅拿華斯一直好穩健,點解仲買新龍門?反而中堅人腳深度唔係好夠。皇馬要補救仲有時間,西班牙轉會窗會喺香港時間九月一號朝早七點先閂,皇馬仲有時間搵新兵。
盛傳有意離隊嘅中場莫迪歷,今仗到下半場56分鐘獲派上陣,意大利傳媒報道,指佢希望喺意甲周五閂轉會窗前轉投國米,同一眾克羅地亞隊友如比列錫、波索域等重聚。

相關新聞:求驗客手記:領馬體會加時破「艦」捧盃DC閃電入波再踢茅王

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載