› 選擇地區
三藩市
紐約
洛杉磯
其他美國地區
香港 台灣 北美
 
2018年11月14日

求驗客手記:蘇拿利勢成新艦長

據《ESPN》報道,西班牙足總證實咗皇家馬德里已經遞交委任蘇拿利做球隊主教練嘅相關文件,皇馬勢將確認呢名以暫代主帥身份領軍取得四連勝嘅教練「坐正」至少去到今季季尾。42歲嘅蘇拿利以前喺皇馬踢中場,係施丹同朗拿度嘅隊友,之前喺皇馬B隊卡斯迪拿做教練。上月皇馬喺國家打吡以1:5大敗畀巴塞隆拿後,皇馬炒咗上任僅四個月嘅教練盧比迪古,然後揾咗蘇拿利做暫代教練頂住先,雖然有傳「銀河艦隊」有意邀請前車路士領隊干地或熱刺領隊普捷天奴執教,不過一直都係只聞樓梯響。由於西甲賽例規定,球會喺炒咗教練後,必須喺兩個星期內正式委任新教練,眼見呢個限期即將屆滿,外界都普遍認為蘇拿利將會正式「坐正」,直至今季結束為止。蘇拿利接手後,皇馬喺各項賽事已取得四連勝,射入15球只失兩球,係皇馬隊史新任教練嘅最佳開局,唔知蘇拿利可唔可以好似佢嘅舊隊友施丹一樣,壓得住皇馬班大帝之餘,仲捧盃捧到手都軟呢!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載