› 選擇地區
三藩市
紐約
洛杉磯
其他美國地區
香港 台灣 北美
 
2018年12月08日

趣趣地:四槍手吸笑氣被照肺

阿仙奴各項賽事20場不敗,成績好當然高興,不過啱啱就俾英媒《太陽報》爆料,根據一條閉路電視片段,阿仙奴四球員八月曾經喺倫敦一個私竇吸笑氣。據報片段攝於八月英超開季前嘅一個禮拜,當時阿仙奴球員喺倫敦西部一個私人會所開P,幾個槍手球員,包括奧斯爾(圖)、奧巴美揚、拿卡錫迪同古安杜斯都喺片段中輪流吸笑氣,而哥拉辛拿斯就做塘邊鶴。奧斯爾喺片段中所見,吸笑氣後將頭向後挨喺梳化度,high到反白眼,而年僅19歲嘅古安杜斯,吸完笑氣後更瞓喺梳化上,似乎冇晒知覺。據悉阿仙奴眾將當日係開季前派對,仲搵咗70個女仔到場同歡,埋單一晚共使三萬鎊。另外,喺對曼聯嗰場傷咗嘅洛賀丁,就確定要唞六至九個月,認真慘情。

事件曝光後,阿仙奴會方亦非常關注,據悉主帥艾馬利會急召涉吸笑氣嘅四個球員會面,之後至決定係咪對佢哋作出紀律處分。球會發言人話:「有關球員會就今次事件被傳召,並且要清楚知道作為代表球會嘅一員,應該負起乜嘢責任。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載