› 選擇地區
三藩市
紐約
洛杉磯
其他美國地區
香港 台灣 北美
 
2019年01月13日

趣趣地:法比入「摩」與亨利重聚

31歲嘅西班牙中場法比加斯,喺上星期五正式離開效力咗近五年嘅車路士,轉投法甲球隊摩納哥,簽約三年半,再次告別英超。車路士同摩納哥都冇披露轉會費金額,外界估計連埋合約內嘅特定條款,轉會費最高可達1,000萬鎊(約一億港元)。

法比喺2014年加盟當時由摩連奴執教嘅車路士,並即刻喺14/15球季贏得英超冠軍,不過隨住法比年華漸長,佢喺車路士已非必然正選,結果到今季終於決定離隊。法比加盟嘅摩納哥,其主帥正係曾同佢喺阿仙奴做隊友嘅亨利。

法比上星期五喺佢嘅ig度放相,話對展開新旅程覺得好興奮,摩納哥會係佢未來三年半嘅新家。法比嚟緊會着44號波衫,而佢喺新球會嘅首要任務,就係要幫球隊避免降班。摩納哥喺今季法甲戰績低迷,踢咗半季後只得13分,𠵱家排喺積分榜尾二。

另外,臨別時候,法比喺佢嘅ig上面撰文向車路士嘅所有人告別,而車路士會方亦喺ig放咗段片向法比致謝。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載