› 選擇地區
三藩市
紐約
洛杉磯
其他美國地區
香港 台灣 北美
 
2019年05月22日

趣趣地:曼城勝利巡遊勁墟冚

啱啱過去嘅星期日贏咗英足盃,連埋英超同英聯盃成為英本土「三冠王」嘅曼城,星期二朝早喺曼徹斯特市舉行勝利巡遊,全隊上下包括領隊哥迪奧拿、離隊在即嘅隊長高柏尼、同樣贏得英足盃嘅女子隊都有份參加,數以萬計嘅藍月球迷就喺街上揮動旗幟同歡呼,將整個曼市染成藍色。雖然巡遊期間,網上一度流傳曼城跌爛英超冠軍獎盃,但後來實證只係曼城官方嘅惡搞片!

巡遊後曼城繼續慶祝活動,即將轉投安德列治做球員兼教練嘅高柏尼就話,對李斯特城射入死角靚波一刻,就知道自己喺曼城嘅任務已經完成,為藍月已經竭盡所能;哥帥就話大家都會掛住高柏尼,相信佢遲早會以其他身份返嚟曼城。另外ESPN報道,歐洲足協已就曼城疑似違反財政公平原則,成立五人仲裁小組,不過其中竟然有一個係阿聯酋政府嘅人,不禁令人聯想同曼城班人阿聯酋王室有關係囉!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載