蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月19日

【劉榮業專訪】同曾志偉同期 「我坐巴士 佢坐Benz」

106,183
最後更新: 1219 20:01 / 建立時間 (HKT): 1219 17:15

【新增動新聞】
在灣仔長大的劉榮業早在12歲已加入愉園青年軍,16歲入選香港青年軍,由於身材矮細,踢法靈活多變,有蠱惑仔及老鼠仔的綽號,而他透露,現在只有與他同期出道的曾志偉仍叫他蠱惑仔。

相關新聞:【劉榮業專訪】鬧爆本地球圈 「足總高層只顧出風頭」

劉榮業透露,與曾志偉於71至73年期間一同代香港青年軍,當年貪玩,又細粒,像隻老鼠,故有老鼠仔的別名,至於蠱惑仔則是踢法多變有關,他說:「我同志偉同期代表香港青年軍出賽,但我哋身份完全唔同,操練我坐巴士去,佢就坐BENZ到場,佢飲雞湯,我飲例湯,大家去馬鞍山操練,佢操練後有工人帶飯畀佢,我就要排隊食飯堂,故經講笑咁講,大家咁高咁大,好唔公平,現在同志偉仍係好朋友,只有佢仍叫我做蠱惑仔,其餘已叫阿仔。」

問到為何出道至今只效力愉園時,他表示,愉園好願意栽培年輕球員,既有宿舍、又聘請教師教球員,又有名將在陣便踢到掛靴。他說:「當年左派球會唔受歡迎,試過有隊友喺青年賽事後被警察球員追打,當年左派喺社會上好乞人憎,我哋喺球場上串啲,出到球場就會畀人打。」

相關新聞:【專訪】修頓扭波片網上爆紅 64歲劉榮業:我唔識失敗點寫

72/73球季,劉榮業獲升上愉園甲組,初出道不久便獲當年由陳瑤琴做班主的加山向他招手,但當時愉園有張子岱及鍾楚維名將,有大樹遮陰下便決定留隊,他說:「張子岱斬波好準,只要跑便可以拎到波,與胡國雄靠技術扭波好唔同;鍾楚維當打,愉園有呢幾枝大炮,便留喺愉園學嘢,之後踢到掛靴。」

記者:曾雁平

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載