› 選擇地區
三藩市
紐約
洛杉磯
其他美國地區
香港 台灣 北美
 
2019年07月29日

【逆權運動】以自身受傷比喻香港局勢 江旻憓哭着說:一定會好番

建立時間 (HKT): 0729 14:48

剛動完右腳十字韌帶手術的世界女子重劍一姐江旻憓(Vivian)今日穿着院士袍、撐着枴杖到浸大接受社會企業研究院院士榮譽資格頒授典禮,獲頒社會企業研究院資深院士榮譽的她,被問到有關47位精英運動員破天荒發聲,籲林鄭回應五大訴求時,以自己受傷的右腳比喻現時「受了傷」的香港,期望香港「會變得更好」,言談間,綽號「微笑公主」的她不禁又再淚流滿面。

相關新聞:【逆權運動】運動員發聲網民讚好 「香港精神不滅」

上周六晚才做完手術的她,談到香港現況時說:「真係好對唔住,我又受傷,但冇諗過我依嗰受傷上到新聞,又多一個唔開心嘅新聞,但係係好事嚟,香港依家咁樣,好似受傷咁(開始忍不住眼淚),但係冇事嘅 ,因為我受過一次傷,每次受傷都係令你更加強,你會學到更加多嘅嘢,你會學到更加多嘅嘢,同埋你會變一個更加好嘅人,我真係相信,我在講甚麼呢?我相信我哋香港人一定做得到,一定可以克服得到,就好似我呢嗰咁儍嘅膝頭一樣,一定會好快好番,同埋大家又會開心。所有呢啲困難克服到之後,就會冇事,我哋一定捱得過去,做得好,同埋香港會變得更加好。」

本月中歷史性奪世錦賽個人女重銅牌的Vivian,今日亦帶着這面銅牌到場,她說:「這段時間,我時常諗自己可以做乜嘢,或做啲有意義嘅貢獻,好似之前不斷喺外國比賽,唔想睇太多呢類新聞,因為一睇到就唔開心,當時我又喺外國比賽,只諗住奧運,做唔到乜嘢。我想呢啲變化成動力,呢啲係我嘅責任為港爭光,令大家睇到香港有幾咁好,睇到香港嘅體育精神,藉呢啲去表現香港嘅價值,呢件事係我全心全意去做到最好,所以我依家只會專心令自己快啲好番,跟住快啲攞多啲好成績,希望大家可以開心啲。」

相關新聞:【世界一姐】手術後撐枴杖獲頒院士 Vivian望11月新賽季復出

記者、攝影:徐嘉華

--------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9
--------------------
《體蘋果》陪你睇波講波
https://www.fb.com/appledailysports

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載